Rymposter 2009


Rymposter mei it Smûzersalfabet

plaatsjeDe Stichting It Fryske Berneboek en Bibleteek-service Fryslân makken fan ’t jier foar in bysûndere rymposter foar de Berneboeketiid. Yn ferbân mei it jubileum fan It Fryske Boek hat Nanne Kalma de measte teksten fan de rymposters út de ôfrûne 12 jier op muzyk set. De muzyk by de tekst fan 2004 wie al earder makke troch Geartsje Douma en dy fan 2008 troch Hedzer Tijtsma. Alle ferskes steane op de cd Smûzje en wurde songen troch Nanne Kalma en Ankie van der Meer.
Ek de muzyk fan de 13e rymposter stiet al op dy cd. De byhearrende tekst op de rymposter fan 2009 is skreaun troch bern fan de basisskoallen It Pertoer fan Burgum, Op ’e Trije fan Ferwert, De Krunenstrobbe fan Jorwert, de Professor Wassenberghskoalle fan Lekkum en de Trije Doarpenskoalle fan Reduzum. Dat barde ûnder lieding fan Nanne en Ankie. De tekst slút oan by it tema fan de Berneboeketiid: Om ’e tafel: Ite en snobje yn berneboeken. De yllustraasje is fan Yke Reeder. Sy wie ek de yllustratrise fan it cd-boekje.
Alle skoallen, bibleteken en berne-ôfdielings fan sikehuzen yn Fryslân krije in fergees eksimplaar tastjoerd.

plaatsje Mear ynformaasje oer de Berneboeketiid en de Rymposter is te finen op de wbeside fan It Fryske Berneboek.

Moanne fan it Fryske boek

plaatsje

Fryslān Lźst Syn Toppers

Fryslân Lêst Syn Toppers is in inisjatyf fan:

  • Bibliotheekservice Fryslân
  • It Fryske Boek
  • Tresoar

It projekt is finansjeel mooglik makke troch:

  • VSB-Fonds
  • Stichting Lezen
  • Stichting FLMD
  • Stichting Woudsend 1816

Sjoch foar mear ynformaasje op:

It Smūzersalfabet op muzyk


Beharkje It Smûzersalfabet
op muzyk fan Nanne & Ankie
Klik op de knop

(efkes wachtsje!)

Rymposter mei Smūzersalfabet


It Smûzers Alfabet

Refrein
Wy sitte om 'e tafel, foar ús leit in boek
oer lekkernijen, sûkelade, bôle, tsiis en koek.
Wy bestudearje 't 'ABC', mei om ús hals in grut servet. 
En sa priuwe en ite wy, snobje en genietsje wy … 
fan dit, foar smûzers, alderhearlikst alfabet.

A is fan Apenút en dêrmei begjint dit liet
B is fan Banaan, streksum, sûn en lekker swiet
C is fan Croissant, mei wat bûter der op: 'Top!'
en D - it kin net misse: it 'swarte goud' - is fan Drop

E is fan Eart, dêrfan makket ús mem de snert
F is fan Framboas, in Fruchtsje nei myn hert
G is fan Grientesop, mei woartels, beantsjes, prei
H is fan Hagelslach, ik yt it eltse dei

I is fan Ierdbei, lekker fris en goed
J is fan Jirpel, dy komt op tafel hjoed
K is fan Kiwy: soppich, fris en grien
L is fan Lolly, lekker mar hurd as stien

M is fan Molke, dat wite drankje, lekker sûn
N is fan Nassy, wa wit, ite wij dat jûn
O is fan Oranjekoek, as gebak myn favoryt
P is fan Pizza, mei Piper lekker hyt

Q, ‘k soe ’t net witte, ja dochs: dy is fan Quiche
R is fan Rjemme, Rezyn en fan Radys
S is fan Sâlt, ûnmisber op in aai
T is fan Tomaat, Twibak en Taai Taai

U is fan Ulefel, in suertsje fan lang ferlyn
V fan Vitis Vinifera, sa 't de drúf hyt yn 't Latyn
W is fan Wytlof, mei wat tsiis derop: 'Exquis!'
Ah! Passearde dêr de X, mei it Frânsk foar: 'Lang net fiis'?

IJ is fan IJsko - "Ho!" seit Yke, "dat fyn 'k gek!
Wêrom de lange IJ, wat is der mis mei de I-grek?"
Y dy is fan yochert, leave Yke, do dyn sin
en Z is fan zjem, hoewol? Kin 't wêze dat 'k my fersin?

tekst: It Dichters-kollektyf
muzyk: Nanne Kalma

It Dichters-kollektyf: Nanne & Ankie + 75 dichters en dichteressen fan de basisskoallen It Partoer yn Burgum, Op 'e Trije yn Ferwert, De Krunenstrobbe yn Jorwert, de Prof. Wassenberghskoalle yn Lekkum en de Trije Doarpenskoalle yn Reduzum

Yllustraasje: Yke Reeder