It Fryske Boek

Reinder Rienk van der Leest is berne op 29 juny 1933 yn Drachten. Hy hat yn Ljouwert de HBS folge en dêrnei op de kweekskoalle dêr leard foar ûnderwizer. Ek hat er de oplieding grafysk ûntwerper folge en dat fak free-lance útoefene. Van der Leest hat oant syn pensjonearring ta skoalmaster west, earst yn Culemborg, dêrnei yn Zaandijk, en doe oant syn pensjoen yn Enschede. Van der Leest hat redakteur west fan Trotwaer. Hy publisearre nei in tal eksperimintele dichtbundels in rige humoristyske speurdersferhalen fol dûbele boaiems. Yn 1981 krige er de Gysbert Japicxpriis foar syn poëzy.

Foar mear ynformaasje oer de skriuwer sjoch by Tresoar

Poëzy:

• 1967 : Flardeguod
• 1967 : Patates mei mayonaise
• 1969 : Boartersbûkje en sextich
• 1970 : Practicum
• 1972 : Hwat moat in ûntwerper fan pakpapier wol fiele?
• 1979 : Keunst en fleanwurk
• 1986 : Wyn en fearren: gedichten 1979-1985
• 2005 : Wurk yn útfiering: teksten en tekeningen 1969-1972
• 2006 : Tajefte: sân gedichten

Proaza:

• 1969 : Komme dy kepers? (draeiboek foar in B-film*****) (werútjefte 2001)
• 1972 : Lampefryske forhalen
• 1974 : It moaiste famke fan Antarctica (werútjefte 2003)
• 1975 : Morheus yn de ûnderwrâld (werskreaune útjefte: Morfeus yn de ûnderwrâld, 2005)
• 1980 : Cap súd (jongereinboek)
• 1983 : Hertenfrou en Skoppenboer
• 1986 : Froulusgambyt
• 2001 : In kâld keunstje

Ferskaat:

• 1971 : Bargebiters-Bûltsjeblazers (lyts Frysk argewaesjespul)
• 1972 : Boef fan Rys (tekstboek foar in sjongspul)
• 2004 : De swalkjende partij (byldferhaal)

Oersetting:

• 1995 : Carmina Burana: Latynske lieten út Bendiktbeuren