Skriuwersalmenak

Namme	Bottema, M.H.
Foarnamme	Meint Hylkes

Biografy	Berne yn 1890 te Eastermar as soan fan in bakker. Skreau al as jonge deiboeken en sketskes. Behalve op literatuer, wie syn belangstelling rjochte op architektuer. Foar syn oplieding ta boukundich tekener reizge er in wintermannich op en del fan Eastermar nei Ljouwert. Fan komôf otterdoks, gie er letter mear de frijsinnige rjochting en dy fan de kristlik-sosjalistyke beweging út. Brocht syn tsjinsttiid yn Brabân troch (mobilisaasje). Dêrwei stjoerde er ûnder pseudonym (Marten Baersma) yn ‘e simmer fan 1915 in oantal proazateksten nei Douwe Kalma. Dy hat makke, troch positive krityk te jaan en troch him yn de Jongfryske Mienskip te beheljen, dat Baersma mear op ‘e foargrûn kaam. Syn literêr wurk bestiet út trije langere ferhalen en fierders út koartere proazastikken. Yn 1917 waard er boukundige by de stêd Ljouwert, mar lang hat er dat net wêze mocht, want op 13 novimber 1918 stoar er oan de Spaanske gryp. Mear oer de skriuwer is te finen by Tresoar

Bibliografy	1916: De jonge fan de Marsheide 1925: De ljochte kimen (sammele wurk) 1925: Jelmers jonge libben (ferhaal) 1925: De jongste (ferhaal) 1948: De jonge fan de Marsheide (5e printing) 1990: De jonge fan de Marsheide (10e printing)

« Werom

Moanne fan it Fryske boek

plaatsje

Fryslân Lêst Syn Toppers

Fryslân Lêst Syn Toppers is in inisjatyf fan:

Bibliotheekservice Fryslân
It Fryske Boek
Tresoar

It projekt is finansjeel mooglik makke troch:

VSB-Fonds
Stichting Lezen
Stichting FLMD
Stichting Woudsend 1816

Sjoch foar mear ynformaasje op:

Fryske Skriuwersalmenak

Fryslân hat in ryk ferskaat oan skriuwers en dichters. It Fryske Boek en it Skriuwersboun hawwe yn 'e mande mei it Frysk Histoarysk en Letterkundich Sintrum Tresoar in Skriuwersalmenak gearstald en besykje dy sa folslein mooglik by de tiid te hâlden. De lêste papieren almenak datearret fan 1994. Dy is letter digitalisearre en op de webstek fan It Fryske Boek pleatst. Sûnt koart is hy ek op de nije webstek yn 'e loft.

Hantlieding

Under de letterbalke stiet de skriuwer fan jo kar.
Klik op Mear ynfo foar ynformaasje.
Yn ferbân mei de oanskerpe privacyregels binne gjin adresgegevens mear yn de almenak pleatst.
Nij is de mooglikheid om elektroanysk mei de skriuwers te briefkjen, alteast as hja in e-postadres hawwe. Klik dêrfoar op de link efter Kontakt. Yn it formulier sit it e-postadres fan de ûntfanger ferstoppe.
Steane by de (koarte) biografy gjin gegevens dan binne dy meast wol by Tresoar te finen.
Kommentaar en/of oanfollings graach mei dit formulier stjoere.