It Fryske Boek

Greet Andringa is berne op 16 july 1971 yn Reduzum. Nei har stúdzje genêskunde , krige se in funksje as ferslavings- arts by de Kuno van Dijk Stichting te Ljouwert

De Haadpersoanen yn de ferhalen fan Greet Andringa binne gauris jonge minsken yn de oergong tusken bern en folwoeksenheid. Der is romte foar gefoel, foar kwetsberens en ûnmacht. Har eigen ûnderfinings as ferslavingsarts hat se yn inkelde ferhalen ferwurke. Yn in fraachpetear mei Gerbrich van der Meer ('Friesch Dagblad', 19-11-2003) sei se dêroer: 'Ik fyn it wichtich om kwetsberen in lûd te jaan, om my hoege it net perfoarst minsken út de haadstream te wêzen. Dêrmei wol ik net sasear in boadskip ôfjaan, mar dy minsken sitte my no ienkear heech. Miskien is dat ek wol it tema yn myn libben: minsken dy't bûten de boat falle, in gesicht jaan'.

Greet Andringa debutearre yn juny 1999 yn 'Trotwaer' mei it ferhaal 'De earste kear'. Njonken 'Trotwaer'' (letter part fan tydskrift De Moanne) publisearre se yn it 'Frysk Skriuwerskanlinder-boek' 2003 en yn it literêr tydskrift 'Hjir'. Har debút yn boekfoarm wie yn augustus 2003 mei de ferhalebondel 'De diggels fan Che'.

Mear ynformaasje oer de skriuwster is te finen by Tresoar

Ferhalebondel

• 2003:  De diggels fan Che
• 2009:  Priiswinner ferhalewedstriid Boekewikegeskink 'Feestlift' (Deus ex)

Romans

• 2008:  Libbenreach