Skriuwersalmenak

Namme	Abma, G.W.
Foarnamme	G. Willem
Wenplak	LJOUWERT
Kontakt	E-briefkje mei dizze skriuwer

Biografy	Gerben Willem Abma waard op 12 july 1942 yn Folsgeare berne. Neidat er jierrenlang learaar west hat, wurket er sûnt 1988 as psychoterapeut yn Drachten. Willem Abma hat redakteur west fan 'Alternatyf', 'Operaasje Fers' en 'Trotwaer. Yn 1993 krige er de Gysbert Japicxpriis foar syn earste trije dichtbondels dy't er ûnder it pseudonym Daniël Daen publisearre hat. Nei in tsiental poëzybondels ûnder dit pseudoniem, kaam Abma yn 1980 mei 'En it barde' ûnder syn eigen namme en dêrnei mei in rige romans dy't er ek ûnder eigen namme ferskine liet. Willem Abma is in skriuwer dy't sjen litten hat, dat de útspraak wier is, dat in ûngelokkige bernetiid in moaie boarne fan ynspiraasje wêze kin. No't er it tema fan de ûntwrakseling oan it âlderlik miljeu en it finen fan in eigen identiteit fan alle kanten besjoen en op alle manieren behannele hat, siket er om nije tema's. Foar mear ynformaasje sjoch by Tresoar

Bibliografy	Romans: 1981 : In Satansbern 1982 : De Klinyk 1983 : De oantaasting (earste diel fan de romanrige oer Heerd Hissema) 1986 : De Roekkat (twadde diel fan de romanrige oer Heerd Hissema) 1988 : It byldsje mei brieven oan Priscilla ( tredde diel fan de romanrige oer Heerd Hissema) 1990 : It Orakel (fjirde en lêste diel fan de romanrige oer Heerd Hissema) 1993 : Freonen ûnder elkoar 1994 : De Mafiaman 2003 : In Ierse nimf Gedichten: 1970 : De âlde en de leave hear as lead om âld izer (pseud. Daniël Daen) 1970 : Op libben en dea (pseud. Daniël Daen) 1972 : Mosken en Goaden (pseud. Daniël Daen) 1973 : Prosit 1973 : Bûten it skûlliif (sammelbondel ) 1975 : Fitraezjewrâld (pseud. Daniël Daen) 1976 : De iken fan Dodona (pseud. Daniël Daen) 1977 : Rânnen fan forjitnis (pseud. Daniël Daen) 1979 : Hjerstreach (pseud. Daniël Daen) 1980 : En it barde 1982 : Nachtfeest (pseud. Daniël Daen) 1985 : De Sprong (bibliofile útjefte) 1986 : Dieden 1987 : Bist noait wa'st wieste (bibliofile útjefte) 1987 : Dea fan de moskefrou (bibliofile útjefte) 1993 : Moeting 1999 : Te fûnling 2000 : Kuiers of definysjes fan it ik ( proazagedichten) Ferhalen: 1993 : In nacht yn de Andes (reisferhalen) Toaniel: 1993 : Cranky Box (oerset nei Judith Herzberg) 1993 : Trije ienakters en in monolooch: Hazzefleis (ienakter), Unmeilydsum is de skientme of: 06- relaasje (ienakter), In heit, in soan en in dochter (ienakter), It syndroom fan down of in milkshake foar God (monolooch) 2002 : Milkshake foar God

« Werom

Moanne fan it Fryske boek

plaatsje

Fryslân Lêst Syn Toppers

Fryslân Lêst Syn Toppers is in inisjatyf fan:

Bibliotheekservice Fryslân
It Fryske Boek
Tresoar

It projekt is finansjeel mooglik makke troch:

VSB-Fonds
Stichting Lezen
Stichting FLMD
Stichting Woudsend 1816

Sjoch foar mear ynformaasje op:

Fryske Skriuwersalmenak

Fryslân hat in ryk ferskaat oan skriuwers en dichters. It Fryske Boek en it Skriuwersboun hawwe yn 'e mande mei it Frysk Histoarysk en Letterkundich Sintrum Tresoar in Skriuwersalmenak gearstald en besykje dy sa folslein mooglik by de tiid te hâlden. De lêste papieren almenak datearret fan 1994. Dy is letter digitalisearre en op de webstek fan It Fryske Boek pleatst. Sûnt koart is hy ek op de nije webstek yn 'e loft.

Hantlieding

Under de letterbalke stiet de skriuwer fan jo kar.
Klik op Mear ynfo foar ynformaasje.
Yn ferbân mei de oanskerpe privacyregels binne gjin adresgegevens mear yn de almenak pleatst.
Nij is de mooglikheid om elektroanysk mei de skriuwers te briefkjen, alteast as hja in e-postadres hawwe. Klik dêrfoar op de link efter Kontakt. Yn it formulier sit it e-postadres fan de ûntfanger ferstoppe.
Steane by de (koarte) biografy gjin gegevens dan binne dy meast wol by Tresoar te finen.
Kommentaar en/of oanfollings graach mei dit formulier stjoere.