It Fryske Boek

Krûpelhintsjes

Auck Peanstra

In nij boekje mei opsisferskes, gedichtsjes en lietsjes foar de lytskes, skreaun troch Auck Peanstra. It boekje is yllustrearre troch Yke Reeder. Mei hiel werkenbere tekeninkjes krijt elk ferske suver noch mear betsjutting. In prachtige kombinaasje.
De ûnderwerpen fan de 33 ferskes binne hiel moai útsocht.
As foarbyld bygelyks nr. 29 De hik
Bij, bij
domme bij.
Kom net oan
Dat glês fan my.

‘t Is myn drinken,
‘t is myn koeke.
Pas mar op:
krijst aanst foar de broek!

Och, dêr hasto al de hik.
Sjoch, dat krijst dus
fan dy prik.
Fierders is der fan alles te belibjen mei dit boekje, echt prachtich om guont út te sykjen en de lytse pjutten oan te learen oer de meast útienrinnende dingen: stofsûger, sandalen, keunstgebit, fûgelnestje, de wyn, in bril, breidzje, de winter en neam mar op!

Wieke de Haan