| Lêsferslach |
Moai yn de Berneboeketiid is in nij berneboek ferskynd dat skreaun is troch Baukje Wijtsma en tapaslik yllustrearre troch Carla van der Heijde. Jammie, in lyts baaske hâldt fan lekker iten, salang as it mar pasta, pizza, patat of appelsmots is.
‘Jammie-jammie’ is ek de oprop as bern wat hiel lekker fine. It komt moai út dat Jammie fan lekker iten hâldt.
Heit en mem ha it drok, sadwaande ite se gauris maklik iten. Dat is Jammie wol nei ’t sin.
Op in dei komt omke Dop, in topkok by Jammie en dy útfanhûs. Syn mem slooft har út mei hearlik iten. Omke Dop stelt it tige op priis, mar Jammie fynt it iten net lekker.
Omke Dop wol de oare deis wol foar him siede en dan mei Jammie helpe yn ’e keuken.
Wat er echt lekker fynt; pasta, pizza en patat, dat meitsje se. Net in bytsje, mar echt in hiele soad. As it oan ‘t iten ta is, leit Jammie mislik ûnder de tafel...
Wieke de Haan |
