It Fryske Boek

Ulke Brolsma waard yn 1943 berne oan de Stasjonswei yn Grou. Heit Liuwe Brolsma hie in boekhannel en drukkerij oan de Haadstrjitte en skreau romans en ferhalen krekt-en-gelyk as pake Reinder Brolsma, de ferneamde folksskriuwer.
Ulke Brolsma sels begűn yn 1999 mei it skriuwen fan fiksje. Hy publisearre yn Trotwaer, Kistwurk, Farsk en De Moanne en krige yn 2000 in Rely Jorritsma-priis foar swyn ferhaal Ioana. Yn 2001 kaam in ferhalebondel fan him út mei as titel Ioana. Yn 2006 ferskynde syn boek Een slagje hier en daar, it ferhaal oer syn betoerpake Hessel Brolsma, dy’t yn 1831 troch it regear besteld waard om as soldaat fan 18 jier tsjin de Belgen te fjochtsjen.
Yn 2006 skreau Ulke Brolsma foar de Mid Frieslander stikjes oer syn jeugd yn Grou mei as titel ‘Efkes werom nei Grou’. Yn 2007 folgen noch in stikmannich fan dizze ferhalen. Foar dit boek hat Ulke Brolsma de ferhalen op ’ e nij bewurke en flink útwreride. Hy hat der boppedat noch hiel wat ferhalen byskreaun.