| Omskriuwing |
Et Stellingwarver plaanteboek, naemen en biezunderheden.
Et boek het een prachtig omslag, et het krek zokke mooie foto's, mar de tekst het netuurlik nog vule meer te bieden!
De maeker, Henk Jager, het mit ieverig warken, dat him netuurlik hiel wat tied kost het, een boek op 'e wereld brocht dat et meer as verdient om kocht te wodden deur elk huusgezin. Dat is omdat hiŽj alle Stellingwarver naemen biŽj mekeer brocht het die him dislange uut bronnen bekend weren. Die het hiŽj onder de belangriekste Nederlaanse benaeming zet, dat ie kun daor alle benaemings biŽj mekeer vienen. Mar dŽr is meer, want ajŽ biŽjveurbeeld et woord slangebloeme tegenkommen as synoniem biŽj salomonszegel, dan wojŽ ok deurverwezen naor aandere plaanten die die benaeming hebben. Mar dat is niet et ienigste. Want ie vienen van alles en nog wat an infermaosie over gruuiplakken, gebruuk en gewoonten, meugelike verklaorings van de naemen, en nuum mar op.
Et is een boek dat om zo te zeggen een slim hoog infermaosiegehalte het.
Et eerste exemplaor wodde anlangd an de heer U. Hosper, direkteur van It Fryske Gea, een orgenisaosie die ok Stellingwarver netuur in bezit en beheer het. Ze steunen et bruken blieven van de tael o.e. deurdat ze oolde benaemings in et Stellingwarfs in heur Stellingwarver gebied weer op botties en kaorten en zo naor veuren kommen laoten.
Uteraord gaon et behoold van de eigen streektael, de eigen netuur, et eigen laandschop en de liefde veur die dingen hier mooi mit mekeer op. |
