It Fryske Boek

Yn Ut 'e foarein jout Simy Sevenster in byld fan in jonge boerehúshâlding mei opgroeiende bern. De broerkes Jurjen en Timen wurde grut op it plattelân mei alle freiheden dy't dêrby hearre. De húshâlding, it wurk, it wolwêzen fan it fee en de húsdieren spylje yn dizze koarte ferhalen de haadrol, tige werkenber beskreaun en faak ek humoristysk. Simy sevenster hie jierren lang ûnder skûlnamme Setske in kollum oer har famyljebelibbenissen yn it Frysk Lânboublêd. Dizze gesellige ferhalen sille in soad lêzers ek oansprekke omdat se sa hearlik flot lêsber binne.

Simy Sevenster waard bekend mei de Iepenloftspullen dy't se skreau foar Menameradiel. Optheden is se dwaande in boek gear te stallen oer de skiednis fan it doarp Wier.