It Fryske Boek

Dizze bekende roman fan J.P. Wiersma út 1948 jout in panoramysk byld fan it Fryske plattelân tusken 1860 en 1940. De kleurrike beskriuwingen fan it folkslibben, lykas it wilsterflappen, it belsyldjeien en hofkesjongen, de kreambesite, it hurdriden en de P.C. hawwe generaasjes Fryske lêzers oansprutesen. Mar mear eigentiidske ûntjouwingen waarden troch J.P. Wiersma mei likefolle ynmoed beskreaun, lykas it ûntstean fan de Jongfryske Mienskip, de opkomst fan it sosjalisme en de koöperative bûterfabriken. Wiersma hat it socht yn it bûnte ferskaat en yn de romantyk fan it folkslibben. Wat dat oangiet stiet er mei dit boek yn in selde tradysje as Hylke Speerstra en Geert Mak, skriuwt tekstbesoarger Philippus Breuker achter yn it boek.
Aldfaars grûn waard skreaun yn opdracht fan de Frico en ferskynde by it fyftichjierrich jubileum fan de koöperaasje. De populêre yllustraasjes fan Cornelis Jetses binne yn dizze nije edysje wer allegearre opnommen.
Ferskynd yn de rige Fryske Klassiken II.