It Fryske Boek

"Ja, asto klear komst ropst altyd om jim mem, moatst earlik wêze." As in sâltsek sit er op bêd, de holle yn beide hannen. "Op kantoar witte se it net, dat fan jim mem, dat wit ik allinne." Hy leit no achteroer op bêd, de eagen ticht. "Ik bin mislik".
Se strykt him sêft oer it rûne liif, hieltyd op 'e nij oant syn lytse man rjocht oerein stiet.

Neeltje Bonnema hat twa favorite figueren: it lytse famke en it folwoeksen frommes. Beide besykje se har plak te finen yn in gauris ferbjusterjende wrâld. De midden hâlde, jin oanpasse, jins goede wil toane, dat is it doel. Fansels beteart dat gauris mis en dat fiert ta begrutlike, mar foaral komyske sitewaasjes. Bonnema hat in skerp each foar it detail en like skerp -en dochs myld- is har humor.