Oer de Fryske literatuer
De Stichting It Fryske Boek en Tresoar hawwe harren aktiviteiten ta stipe en promoasje fan de Fryske literatuer en lektuer bondele yn de Moanne fan it Fryske boek. Mei nij elan en besieling foar de boekewrâld yn Fryslân - dus ek foar de streektalen – organisearje wy yn de moanne septimber in breed skala oan aktiviteiten.
foar mear ynformaasje klik op Moanne fan it Fryske boek
It webstee Sirkwy is in digitaal moetingsplak foar elk dy’t him ynteressearret foar de Fryske literatuer. Sirkwy presintearret sa folle mooglik alle ynformaasje dy’t Tresoar beskikber hat oer de Fryske literatuer. Sirkwy hat in ‘Digitale Biblioteek fan de Fryske Literatuer’ yn ’e mande mei de Digitale Bibliotheek voor de Nederlandse Letteren, dy’t de boeken opnimt yn syn Fryske ôfdieling. foar mear ynformaasje klik op Sirkwy
Fryslân lêst syn toppers is in inisjatyf fan Biblioteekservice Fryslân, Het Fryske Boek en Tresoar, mei as doel tsjinwicht oan de trochgeande ûntlêzing te bieden. De kampagne omfiemet sa’n tsien moannen, dêr't efterinoar fjouwer boeken sintraal yn steane. It giet om hiel ferskillende titels, dy op 'e nij ûnder de oandacht fan it publyk brocht wurde. foar mear ynformaasje klik op FLST
Tresoar beskikt oer in skat oan ynformaasje oer libben en wurk fan Fryske skriuwers. Op it webstee fan Tresoar wurdt dêr yn koarte bio- en bibliografyske sketsen in yndruk fan jûn. De ynformaasje wurdt al mar oan fierder útwreide en by de tiid brocht. foar mear ynformaasje klik op Tresoar
